ՆախընտրելիԱմերիկյան նույնասեռական ռազմածովայինների լուսանկարը, որում նրանք կրքոտ համբուրվում են, ցնցել է ամբողջ համացանցը` Facebook-ում հավաքելով 15 հազար դրական արդյունքներ:
Լուսանկարը, որում պատկերված է երկար բաժանումից հետո զուգընկերների հանդիպումը, օրերս հայտնվել է նույնասեռականների հատուկ էջում: Առաջին 12 ժամվա ընթացքում այն մեկնաբանել է ավելի քան 650 մարդ, հայտնվում է JoeMyGod բլոգում:
Լուսանկարի հաջողությունն այնքան է ոգեւորել Բրենդոն Մորգանին, որ նա այդ նույն հանդիպման այլ համբույրով լուսանկար է տեղադրել իր Facebook-ի էջում` որպես գլխավոր նկար: Իր էջի պատին նա շնորհակալություն է հայտնել բոլոր նրանց, ովքեր ըմբռնումով եւ հավանությամբ են մոտեցել իր զգացմունքների դրսեւորմանը:
Մորգանը բացատրել է, որ գործընկերոջ հետ իրենց համբույրի լուսանկարն իրենք հրապարակել են ոչ թե փառքի համար, այլ նրա համար, որ 4 տարվա ծանոթությունից եւ զինվորական ծառայության պատճառով 3 տարվա բաժանումից հետո իրենք, վերջապես, իրար սեր են բացատրել:
Բրենդոն Մորգանը եւ նրա ընկեր Դալանը միակ նույնասեռական զույգը չեն, որոնք իրենց զգացմունքները հրապարակայնորեն դրսեւորել են այն բանից հետո, երբ ԱՄՆ-ի զինծառայողների համար վերացվել է 1993 թվականից գործող Don`t Ask Don`t Tell («Մի հարցրու, մի խոսիր») կանոնը: Երիտասարդ տղաներից առաջ են անցել աղջիկները. դեկտեմբերին համացանցում իրարանցում էին առաջացրել ամերիկյան բանակում աղջիկների հրապարակային լեսբիական կրքոտ համբույրի լուսանկարները:
