«Ոսկե ծիրան» Երեւանի միջազգային կինոփառատոնն արժանացել է «Միջազգային աստղ որակի համար» մրցանակի` «Ոսկե» անվանակարգում (International Star Award for Quailty, GOLD Category, Geneve, 2012): Հեղինակավոր մրցանակը սահմանված է «Գործարար նախաձեռնությունների ուղղություններ» կազմակերպության (B.I.D. Business Initiative Directions) կողմից` համապատասխան Որակի միջազգային կոնվենցիայի (Ժնեւ):
«Ոսկե ծիրան» կինոփառատոնի հանրային կապերի բաժնից հայտնում են, թե ամենամյա մրցանակն կշնորհվի արդեն 37-րդ անգամ աշխարհի տարբեր երկրներում եւ սեկտորներում գործող կազմակերպություններին:
Մրցանակաբաշխության հանդիսավոր արարողությունը տեղի կունենա Ժնեւում` ՄԱԿ-ի Եվրոպական կենտրոնական գրասենյակում` սեպտեմբերին 30-ին:
Արարողոթյունը լուսաբանելու համար արտոնվել են 26 հեղինակավոր լրատվական գործակալություններ:
