Հունաստանի գրեթե բոլոր ընդդիմադիր ուժերը, այդ թվում խորհրդարանում ներկայացված ամենամեծ խմբակցությունը ՝ ռադիկալ ձախերը, հանրային կոչերով մարդկանց ցույցերի են դուրս բերում: Գերմանիայի կանցլեր Անգելա Մերկելը երեքշաբթի կմեկնի Հունաստանի մայրաքաղաք Աթենք: Սա Մերկելի առաջին այցն է ֆինանսական ճգնաժամից հետո: Ոչ միայն գերմանական , այլեւ հունական մամուլը ողողված է այս իրադարձությամբ: Հունաստանի ընդդիմադիր ուժերը բազմաթիվ կոչերով են հանդես եկել ընդդեմ Մերկելի այցի, եւ հասարակությանը հորդորում են դուրս գալ փողոցներ եւ իրենց բողքի ձայն արտահայտել:
Հույների զայրույթը ճգնաժամի հետեւանքով պարտադրված ֆինանսական խիստ խնայողություններն են, որի համար մեղադրվում է նախ եւ առաջ Մերկելի կառավարությունը:
Այս կապակցությամբ Հունաստանի ոստիկանությունը հավելյալ ուժեր է ներգրավվել մայրաքաղաքում՝ հնարավոր բախումները կանխելու համար: 7000 ոստիկան կապահովի Մերկելի անվտանգությունը: Հատուկ հսկողության տակ կդրվեն Աթենքում գերմանական դեսպանատունն ու հյուրանոցը, որտեղ ապրելու է Գերմանիայի կանցլերը: