Վանաձորի քիմիական կոմբինատում պայթյուն է տեղի ունեցել: NEWS.am-ի Լոռիի մարզի թղթակիցը հայտնում է, որ պայթյունը որոտացել է հունվարի 21-ի առավոտյան:
Ըստ նախնական տեղեկության` պայթյունի հետեւանքով մահացել ընկերության 22-ամյա աշխատակից Արա Ասատրյանը: Պայթյունը տեղի է ունեցել ամոնիակի արտադրամասում:
Ներկայումս արտակարգ պատահարի հետեւանքների վերացման աշխատանքներ են կատարվում:
Վանաձորի «Պրոմեթեյ Քիմպրոմ» ՓԲԸ-ն միավորում է երեք ձեռնարկություն` Վանաձորի քիմիական գործարանը, Վանաձորի քիմմանրաթելերի գործարանը եւ Վանաձորի ՋԷԿ-ը: Գործարանի շահագործումն սկսվել էր 2005թ.` երկարատեւ դադարից հետո: Սեփականատերն է Բրիտանիայում գրանցված ռուսական «Ռոդինգ Լիմիթեդ Ինթերնեյշնլ» ընկերությունը:
