Silentnight ընկերության անցկացրած հարցումները ցույց են տվել, որ մարդիկ միջինը 8 ժամ 21 րոպե են քնում, իսկ էլեկտրոնային սարքերին օրական շուրջ 8 ժամ 41 րոպե են հատկացնում: Հարցման մասնակիցների 81%-ը գիշերը հեռախոսը չի անջատում: Իսկ 10 մեծահասակներից եւ դեռահասներից 4-ը, գիշերը արթնանալով հեռախոսի ձայնից, ստուգում է այն:
Հարցվածների 51%-ը, The Daily Mail-ի փոխանցմամբ, առավոտյան ամենաշատ ժամանակը ծախսում է էլեկտրոնային փոստը ստուգելու եւ համացանցի վրա, 32%-ը՝ արտաքինի, իսկ 18%-ը՝ նախաճաշի: Փորձագետների կարծիքով, մարդկանց մեծ մասի մոտ էլեկտրոնային սարքերի պատճառով քնի որակը նվազում է:
Ըստ MedDaily-ի, երկարատեւ քնի պակասը կարող է թուլացնել իմունային համակարգը: Բացի այդ, այն բացասաբար է ազդում սիրտ-անոթային համակարգի վրա, մեծացնում է շաքարախտի առաջացման վտանգը, կարող է նաեւ հոգեկան խնդիրների հանգեցնել:
Մասնագետները խորհուրդ են տալիս քնելուց 1-1.5 ժամ առաջ անջատել գաջեթները:
