Uniqlo հագուստի խանութների ցանցը սարք է մշակել, որը կվերլուծի ուղեղի ալիքներն ու չափումների արդյունքում շապիկ կառաջարկի:
Սարքը UMood անունն է ստացել: Թեստն անցնելու համար գնորդը նստում է մեծ էկրանի առջեւ եւ գլխին տարբեր ցուցիչներ է դնում: Դրանից հետո էկրանին տարբեր տեսահոլովակներ եւ պատկերներ են հայտնվում:
Այդ ընթացքում սարքն արձանագրում է ուղեղի ալիքները, որոնք արտացոլում են տեսածի շուրջ արձագանքը: Այնուհետեւ էկրանին տարբեր շապիկների նկարներ են հայտնվում, եւ սարքը վերլուծում է նաեւ դրանց արձագանքը: Արդյունքում, ըստ Gazeta.ru-ի, UMood-ն ընտրում է մեկ շապիկ: