ԱՄՆ-ում սկսել են մշակել մի ռոբոտ, որը կռահելու է մարդկանց ցանկությունները:Նման տեխնիկան կարող է օգտագործվել մասնավորապես ոստիկանական ծառայության մեջ:
Ալգորիթմի մշակումով զբաղված են Իլինոյսի համալսարանի գիտնականները: Այս սկզբունքը կարող է պիտանի լինել շատ համակարգերում, օրինակ կառավարման ավտոմատ համակարգով ավտոմեքենաներում, էկզոկմախքներում, ինքնաթիռներում կամ պարեկային ռոբոտներում, որոնք կսովորեն կռահել՝ արդյոք մարդը ատրճանակից կրակելու կամ մեքենան դեպի պատնեշ վարելու մտադրություն ունի , հայտնում է ZN պորտալը:
Բացի դրանից ալգորիթմը կառավարման ավտոմատ համակարգերին թույլ կտա «խլել» օդանավի կառավարումը, եթե օդաչուն որեւէ վտանգավոր գործողություն անի: Այդ հետազոտությունով արդեն հետաքրքրվել է Պենտագոնի հեռանկարային հետազոտական նախագծերի գործակալությունը, հայտնում է «Ռոսբալտը»:
