Կյանքի ուղեկից ընտրելիս մեծ նշանակություն ունեն ոչ միայն զուգընկերոջ արտաքինն ու բնավորության գծերը, այլեւ նախնիների էթնիկ պատկանելությունը:
Ամերիկյան գիտնականները հետազոտության ընթացքում ուսումնասիրել են Մեքսիկայից եւ Պուերտո Ռիկոյից երեխաների ծնողների էթնիկ մերձավորության աստիճանը: Մասնագետները հետազոտել են ոչ միայն երեխաների, այլեւ նրանց ծնողների գենոտիպը:
Ըստ Informing-ի, գիտնականներին ապշեցրել է այն, որ սեռական զուգընկերների էթնիկ «կոկտեյլի» նմանությունն այնքան մեծ է եղել, որ փորձի շատ մասնակիցներ հեռավոր ազգականներ են եղել:
Մասնագետների խոսքով, ավելի վաղ համարվում էր, որ զուգընկերոջ ընտրությունը պատահական է կատարվում: Հիմա արդեն ապացուցված է, որ այդ հարցում որոշակի օրինաչափություն կա: