Միչիգանի համալսարանի գիտնականները պնդում են, որ պանիրը կարող է թմրանյութի նման կախվածություն առաջացնել՝ կազեին կոչվող քիմիական միացության առկայության պատճառով: Կազեինն առկա է կաթնամթերքում եւ ազդում է ուղեղի այն ընկալիչների վրա, որոնք պատասխանատու են հակումների եւ թմրամոլության առաջացման համար:
Ըստ Kedem-ի, հետազոտության ընթացքում մասնագետները հայտնաբերել են, որ պիցցան աշխարհում ամենից նախընտրելի ուտեստն է հիմնականում այն պատճառով, որ դրանում մեծ քանակությամբ պանիր կա:
Որոշ գիտնականներ կարծում են, որ ուղեղի վրա պանրի ազդեցությունն այնքան մեծ է, որ կարող է կախվածություն առաջացնել: Կաթը փոքր քանակությամբ կազեին է պարունակում, սակայն 500 գրամ պանիր արտադրելու համար շուրջ 5 լիտր կաթ է անհրաժեշտ, այդ պատճառով այս միացության քանակությունը պանրում մեծ է: