Հուլիսի 12-ին մասնագիտական տոնն են նշում քաղավիացիայի ուղեկցորդները եւ ուղեկցորդուհիները: Այս բարդ մասնագիտությունը գոյություն ունի արդեն ավելի քան 80 տարի:
Համարվում է, որ այն ծնունդ է առել Գերմանիայում, 1928 թվականին, երբ սկսել են օդանավ հատուկ աշխատողի վերցնել՝ թռիչքի ժամանակ ծառայություն մատուցելու համար:
1930 թվականին ԱՄՆ-ում գրավիչ աղջիկների աշխատանքի ընդունելու գաղափար ծնվեց: Նախ՝ դա ավիափոխադրումների լրացուցիչ գովազդ պետք է դառնար, բացի այդ, աղջիկները տղամարդկանցից ավելի պակաս էին քաշով, ինչը մեծ նշանակություն ուներ այն ժամանակների օդանավերի համար:
