Արգելված թեմա. Գյուլենը Ցեղասպանությունը դատապարտող նամակ է գրել հայ պատրիարքին

Թուրքիայում կան թեմաներ, որոնց վերաբերյալ կան չբարձրաձայնելու մասին չգրված օրենքներ։ Այդ թեմաներից են Ցեղասպանության հետ կապված իրադարձությունները։

NEWS.am-ն այս անգամ ներկայացնում է Թուրքիայում վերջին տարիներին մեծ աղմուկ բարձրացրած եւ Էրդողանի դաշնակցից Էրդողանի ոխերիմ թշնամին դարձած Ֆեթուլլահ Գյուլենի՝ տարիներ առաջ Պոլսո հայոց նախկին պատրիարք Շնորք Գալուստյանին։

Թուրքական Yeni Safak-ում հայտնված եւ Ֆեթուլլահ Գյուլենի ստորագրությունը կրող նամակը թվագրվել է 1965-ով։ Նամակը սկսվում է «Սուրբ եւ պատվավոր պատրիարք Շնորք Գալուստյանին» գրությամբ։

Նամակի սկզբում Գյուլենը նշում է, որ աշխարհի բոլոր ազգերը եղբայրներ են։ Նա գրել է, որ իր մանկության եւ աշխատանքային գործունեության ընթացքում բավականին շատ հայ անձանց եւ ընտանիքների է ճանաչել։

Գյուլենը շեշտել է, որ 1915-ին հայերի դեմ մեծ ցեղասպանություն է տեղի ունեցել, եւ ինքը հարգանքի տուրք է մատուցում զոհվածների հիշատակին, խստորեն դատապարտում մեծ մարգարեի եւ Սուրբ Քրիստոսի որդիների կոտորածն անգրագետ մուսուլմանների կողմից։