«Քաղաքացիական պայմանագիրը» հաջորդ շաբաթվա վերջին կանցկացնի նախաձեռնող խմբի հավաք, որի ժամանակ որոշում կկայացվի հիմնադիր համագումարի անցկացման ժամկետների շուրջ: Այս մասին NEWS.am-ի թղթակցի հետ զրույցում ասաց նախաձեռնող խմբի անդամներից  Արայիկ Հարությունյանը:

Նա նշեց, որ համագումարը կկայանա առաջիկա ամիսներին, կոնկրետ ժամկետների մասին կհայտարարեն հաջորդ շաբաթ: Ինչ վերաբերում է «Քաղաքացիական պայմանագրի» հիմնադիր համագումարը Կառավարության նիստերի դահլիճում անցկացնելու մասին լուրին, Արայիկ Հարությունյանը նշեց, որ նման բան չկա:

Նա նաեւ նշեց, որ «Քաղաքացիական պայմանագրի» հիմնադրման օրվանից հիմնադիր համագումարը պետք է կայանա 3 տարվա ընթացքում:

Նշենք, որ կառավարման խորհրդի կազմում 2013 թվականի դեկտեմբերի 9-ին ընտրվել էին 7 անձինք, այդ թվում՝ ազատամարտիկ, նախկին պատգամավոր Սասուն Միքայելյանը եւ պատգամավոր Նիկոլ Փաշինյանը։