Ադրբեջանական զինուժի կողմից հրթիռակոծման հետեւանքով այսօր՝ սեպտեմբերի 25-ին զոհված ՊԲ զինծառայող Հարութ Հակոբյանը Արարատի մարզի Ավշար գյուղից էր:
NEWS.am-ի տեղեկություններով՝ Հարութ Հակոբյանը ապրում էր մոր, ավագ քրոջ ու եղբոր հետ, հայրը մի քանի տարի առաջ էր մահացել: Մայրը հողագործությամբ էր զբաղվում:
Հարութ Հակոբյանը բանակ էր զորակոչվել 2015թ.հուլիսի 3-ին:
Ավելի վաղ NEWS.am-ը հայտնել էր, որ ժամը 17:30-ի սահմանում, ադրբեջանական զինուժի կողմից թուրքական արտադրության TR-107 կայանքներից հրթիռահրետանային արկակոծման է ենթարկվել ՊԲ-ի հյուսիս-արեւելյան ուղղությամբ տեղակայված զորամասերից մեկի պահպանության տեղամասը, ինչի հետեւանքով բեկորային մահացու վիրավորում են ստացել ՊԲ զինծառայողներ Նորայր Միքայելի Խաչատրյանը (ծնված 1995թ.), Ռոբերտ Սուրենի Մկրտչյանը (ծնված 1995թ.), Հարութ Մաքսիմի Հակոբյանը (ծնված 1997թ.) եւ Կարեն Գեւորգի Շահինյանը (ծնված 1997թ.): Կան վիրավորներ:
