ԱՄՆ պետքարտուղար Ջոն Քերին Հռոմում հանդիպման ժամանակ Ռուսաստանի արտգործնախարար Սերգեյ Լավրովին է փոխանցել է Հալեպի մասին ԱՄՆ-ի առաջարկները, հայտնում է «ՌԻԱ Նովոստին»։
Լավրովը նշել է, որ այս անգամ առաջարկները «Ռուսաստանի մոտեցումների ոգով են»։
Լավրովը պարզաբանել է, որ Սիրիայի վերաբերյալ ԱՄՆ-ի հետ Ռուսաստանի բանակցությունները առայսօր բնութագրվում էին նրանով, որ «ամերիկյան կողմը փորձում էր այդ պայմանավորվածություններում այնպիսի դրույթներ ընդգրկել, որոնք հարվածից կազատեին «Ջեբհաթ ան Նուսրային», որը ղեկավարում է զինյալներին արեւելյան Հալեպի դեռ չազատագրված մասում»։
Արտգործնախարարը նաեւ հավելել է, որ Ռուսաստանը պատրաստ է անհապաղ Ժնեւ ուղարկել փորձագետների Հալեպի հարցով ԱՄՆ-ի հետ բանակցությունների համար, որպեսզի «համաձայնեցվեն այնպիսի համատեղ գործողություններ, որոնք կապահովեն Արեւելյան Հալեպից անխտիր բոլոր զինյալների հեռացումը»։