ԱՄՆ Մասաչուսեթս նահանգում 19-ամյա աղջիկը դատապարտվել է 4 տարվա ազատազրկման այն բանի համար, որ ձերբակալության ժամանակ կծելով պոկել էր ոստիկանի ականջի մի մասը, հաղորդում է AP–ն։
Էմմա Ուիլսը մեղավոր է ճանաչվել ոստիկան Ջեսիկա Ռոնդինելիի վրա հարձակվելու եւ վիրավորելու համար։ Միջադեպը տեղի է ունեցել անցած տարվա օգոստոսին, երբ ոստիկանը մեկնել էր բարերից մեկի մոտ ծագած կռվի ահազանգով։ Երբ Ռոնդինելին փորձել էր մեքենան նստեցնել Ուիլսին, վերջինս կծելով պոկել էր ոստիկանի ականջի մի մասը։ Փաստաբանը շեշտել է, թե իր պաշտպանյալը հոգեբանական խնդիրներ ունի եւ «անկեղծ զղջում է կատարածի համար»։