ԱՄՆ Նոր Օռլեան քաղաքում 21 մարդ վնասվածքներ է ստացել, երբ մեքենան մխրճվել է մարդկանց բազմության մեջ: Տեղի ոստիկանության փոխանցմամբ, տուժածների կյանքին ոչինչ չի սպառնում, հաղորդում է «ՌԻԱ Նովոստին»:
Ավելի վաղ քաղաքի ոստիկանության ներկայացուցիչը հայտնել էր 12 տուժածի մասին, որոնք ծայրահեղ ծանր վճակում են:
Միջադեպը տեղի է ունեցել շաբաթ երեկոյան քաղաքի կենտրոնում անցկացվող Krewe of Endymion տոնական շքերթի ժամանակ:
Տեղի իշխանությունների ներկայացուցիչների խոսքով՝ ավտոմեքենայի վարորդն ինչ-որ նյութի ազդեցության տակ է եղել:
Վարորդը ձերբակալված է, նա չի կասկածվում ահաբեկչություն իրականացնելու մեջ: