Ֆինլանդիան կոչ է անում Եվրոպային, որը հիմա բոլոր կողմերից, այդ թվում ներսում քաղաքական տարատեսակ խնդիրների է բախվում, ավելացնել ներդրումները ՆԱՏՕ-ում ու ավելի շատ ուշադրություն հատկացնել պաշտպանությանը, գրում է Bloomberg–ը։
«Պաշտպանության քննարկումն այն տարրերից մեկն է, որը մեզ հնարավորություն է տալիս եվրոպացիներին երաշխավորել, որ Բրյուսելը կարող է հոգ տանել նրանց անվտանգության մասին։ Մեր օրերում դա շատ բարձրագոչ հայտարարություն կլիներ»,- ասել է Ֆինլանդիայի նախագահ Սաուլի Նիյնիստյոն գործակալությանը տված հարցազրույցում։
Հեղինակը նշում է, որ եթե գոնե Գերմանիան ու Ֆրանսիան մինչեւ 2024 թ․ պաշտպանական ծախսերին հատկացնեն ՀՆԱ-ի 2 տոկոսը, նրանց պաշտպանական ծախսերը կհասնեն 40 մլրդ դոլարի, ինչը կազմում է ռուսական ծախսերի գրեթե երկու երրորդը։
«Ես վստահ եմ, որ Եվրոպայու մ մարդիկ ու ընտանիքները իրենց մի քիչ անվստահ են զգում,- ասել է Նիյնիստյոն,- Կարծում եմ մեր միության գլխավոր խնդիրն է անել այնպես, որը բոլորը կարողանան ապրել խաղաղության մեջ, զարգացնելով իրենց հասարակությունը» ։ Նախագահի խոսքով, ինքը շփվում է Մոսկվայի, Բեռլինի ու Վաշինգթոնի հետ, չնայած նրան խանգարում են ինքնահռչակ միջնորդները, որոնց ոչ մեկը նման դերակատարում չի տվել, ասվում է հոդվածում։ «Ֆինլանդիան գուցե ավելի հաճախ է շփվում Ռուսաստանի հետ, քանի որ մենք Ռուսաստանին մոտ ենք աշխարհագրական դիրքով,- ասել է Նիյնիստյոն,- Երկխոսությունը պահպանելը մեր անվտանգության քաղաքականության սյուներից մեկն է»։