Լրատվամիջոցներ տեղեկատվության արտահոսքի հետեւում՝ ուղղված ինձ վարկաբեկելուն, կանգնած են նախկին նախագահ Բարաք Օբաման ու նրա մարդիկ։ Այս մասին Fox News հեռուստաալիքի հետ հարցազրույցում հայտարարել ԱՄՆ նախագահ Դոնալդ Թրամփը։
«Ես կարծում եմ, որ նախկին նախագահ Օբաման է կանգնած դրա հետեւում, քանի որ նրա մարդիկ հաստատ կանգնած են այդ բանի հետեւում։ Որոշ արտահոսքեր, հավանական է, դուրս են գալիս, հենց այդ խմբից», — ասել է Թրամփը։
ԱՄՆ նախագահը հստակեցրել է, որ ինքը խոսում է «շատ լուրջ արտահոսքերի մասին», որոնք ծայրահեղ բացասաբար են անդրադառնում երկրի ազգային անվտանգության վրա։ Սակայն Թրամփը չի հստակեցրել՝ կոնկրետ ինչպիսի արտահոսքերի մասին է խոսքը։
Նա նաեւ ընդգծել է, որ ոչ ոք երբեք հաստատ չգիտի, թե ինչ է տեղի ունենում ԱՄՆ քաղաքականության վարագույրներից այն կողմ։
Թրամփի կարծիքով՝ իր քաղաքական կարիերային վերաբերող արտահոսքերը, հավանական է, կշարունակվեն։