ԱՄՆ կոնգրեսում փորձում են կազմակերպել Ռուսաստանի տնտեսական շրջափակումը, հայտնել է Ռուսաստանի փոխարտգործնախարար Սերգեյ Ռյաբկովը, փոխանցում է ՌԻԱ Նովոստին։
«Մեր հակառակորդները կոնգրեսում ամեն կերպ փորձում են տրորել ԱՄՆ- Ռուսաստան հարաբերություններում դրական ցանկացած ծիլ։ Հունվարին նրանք ներկայացրել էին օրինագիծ, որը նախատեսում է կոդիֆիկացնել պատժամիջոցները , որոնք օբամայական հրահանգներով են սահմանվել, որպեսզի Թրամփը չկարողանա դրանք չեղարկել իր կամքով։ Ավելին, առաջարկում են ընդլայնել ու խստացնել սահմանափակումները ու նույնիսկ փորձում են շանտաժով ստիպել, որ երրորդ երկրներն էլ հետեւեն դրանց։ Այսինքն, ըստ էության նրանք ուզում են կազմակերպել Ռուսաստանի տնտեսական շրջափակման պես մի բան»,- ասել է Ռյաբկովը։