ԱՄՆ նախագահ Դոնալդ Թրամփը զանգահարել է Մեծ Բրիտանիայի վարչապետ Թերեզա Մեյին ու քննարկել բրիտանական խորհրդարանի մոտ տեղի ունեցած ահաբեկչությունը, հայտնել է Սպիտակ տան մամուլի քարտուղար Շոն Սփայսերը։
«Անկասկած մենք դատապարտում ենք Վեսթմիսթերի վրա հարձակումը, որը Մեծ Բրիտանիան ահաբեկչություն է որակել։ Մենք ողջունում ենք իրավիճակին բրիտանական ոստիկանության արագ արձագանքը»,- նշել է Սփայսերը։ «Մեր մտքերն ու աղոթքները ահաբեկչության զոհերի մասին են։ ԼՈնդոնը կարող է ապավինել ԱՄՆ աջակցությանը՝ մեղավորներին պատասխանատվության կանչելու հարցում»։
ԱՄՆ պետքարտուղար Ռեքս Թիլերսոնը նույնպես հանդես է եկել հայտարարությամբ, ցավակցելով զոհերի ընտանիքներին։ «Մենք դատապարտում ենք բռնության այդ սարսափելի ակտը, անկախ նրանից, թե ովքեր են այն իրականացրել՝ ահաբեկիչները, թե կարգազանցները»։
