Չորեքշաբթի Լոնդոնում իրագործված ահաբեկչության հետեւանքով 7 մարդ, որոնք հիվանդանոցում են, ծայրահեղ ծանր վիճակում են: Այս մասին հայտնել է Մեծ Բրիտանիայի մայրաքաղաքի ոստիկանության կոմիսարի տեղակալ Մարկ Ռոուլին, փոխանցում է «ՌԻԱ Նովոստի»-ն:
«Ներկայումս 4 մարդ զոհված է, 29 մարդ հիվանդանոցում է, 7-ը ծայրահեղ ծանր վիճակում են»,- հայտարարել է Ռոուլին:
Ոստիկանության ճշգրտված տվյալներով՝ ահաբեկչության հետեւանքով զոհվել է 3 մարդ: «Չորրորդը ահաբեկիչն է, որը դեպքի վայրում գնդակահարվել է ոստիկանության աշխատակցի կողմից»,- հայտարարել է նա:
Լոնդոնում ահաբեկչությունը տեղի է ունեցել չորեքշաբթի՝ քաղաքի զբոսաշրջիկների շրջանում ամենահայտնի հատվածում. Վեսթմինսթերյան կամուրջով ընթացող մեքենան դուրս է եկել մայթ, վրաերթի ենթարկել մի քանի մարդու, հասել է խորհրդարանի շենքին, որտեղ չարագործին կագնեցրել է ոստկանությունը: Նա դանակով հարվածել է մի ոստիկանի, որը հետագայում մահացել է: Ինքը՝ ահաբեկիչը վերացվել է մեկ այլ ոստիկանի կողմից: