Թուրքիայի ընդդիմադիր «Ժողովրդահանրապետական» (CHP) կուսակցության առաջնորդ Քեմալ Քըլըչդարօղլուն հայտարարել է, թե Էրդողանի վարած քաղաքականության հետեւանքով Թուրքիան պոկվել է քաղաքակիրթ աշխարհից։
Թուրքական Demokrathaber կայքի փոխանցմամբ՝ CHP-ի առաջնորդ Քեմալ Քըլըչդարօղլուն հայտարարել է, թե Էրդողանին նախագահի լայն լիազորություններ տվող սահմանադրական փոփոխությունները չեն լուծում երկրում առկա ոչ մի խնդիր։ Նա շեշտել է, թե Էրդողանի վարած քաղաքականության հետեւանքով Թուրքիան պոկվել է քաղաքակիրթ աշխարհից։
Անդրադառնալով Հոլանդիայի հետ լարված հարաբերություններին, Քըլըչդարօղլուն ասել է, թե Էրդողանը հանրաքվեում «այո»-ի ձայներն ավելացնելու համար վիճեց Հոլանդիայի հետ։
