Ֆրանսիայի նախագահ Էմանուել Մակրոնի La République en marche («Հառաջ, Հանրապետություն») կուսակցությունը առաջատարն է խորհրդարանական ընտրությունների երկրորդ փուլում եւ ստանալու է Ազգային ժողովի մանդատների մեծ մասը։
Ինչպես հայտնում է BBC-ն, վկայակոչելով էքզիթփոլերի տվյալները, «Հառաջ, Հանրապետությունն» իր դաշնակից «Դեմոկրատական շարժման (MoDem) հետ ստանում է 355 մանդատ՝ խորհրդարանի ստորին պալատի 425 տեղերից։
Պահպանողական «Հանրապետականներ» կուսակցությունն ու իր գործընկերները կարող են դառնալ ամենամեծ ընդդիմադիր ուժը՝ ստանալով 97-ից 133 մանդատ։ Վերջին հինգ տարիներին իշխանություն եղած սոցիալիստները կստանան 29-ից 49 մանդատ։ Սա Սոցիալիստների վատագույն արդյունքն է ողջ պատմության ընթացքում։
Առաջին անգամ Ազգային ժողով է անցնելու Մարին Լը Պենի «Ազգային ճակատը», որը կարող է ստանալ չորսից ութ մանդատ։