Եվրամիության անդամ երկրների ԱԳ նախարարներն առանց քննարկման մեկ տարով երկարաձգել են Ղրիմի դեմ պատժամիջոցները։ «ՌԻԱ Նովոստի»-ի փոխանցմամբ՝ այս մասին հաղորդում է ԵՄ Խորհուրդը։
ԱՄՆ-ն ու ԵՄ-ն նաեւ անհատական պատժամիջոցներ են սահմանել Ղրիմից մի շարք պատգամավորների դեմ։ Թերակղզու դեմ ներկա պատժամիջոցները պետք է չեղարկվեին հունիսի 23-ին։
Նշվում է, որ սահմանափակումները մինչեւ 2018 թվականի հունիսի 23-ը երկարաձգվել են՝ «ի պատասխան Ռուսաստանին Ղրիմի եւ Սեւաստոպոլի ապօրինի բռնակցմանը»։
Հիշեցնենք, որ Ղրիմի դեմ առաջին անգամ պատժամիջոցներ սահմանվել են 2014 թվականի հունիսին։