ԵՄ առաջնորդները անդամ երկրների միջեւ մրցույթ են հայտարարել, որպեսզի որոշեն, թե նրանցից ով է ընդունելու երկու եվրոպական գործակալությունները, որոնք Լոնդոնում են տեղակայված։ Տեղափոխությունը պետք է տեղի ունենա մինչեւ բրեքսիթի գործընթացի ավարտը՝ 2019-ի մարտի 30-ը, հայտնում է BBC-ն։

Խոսքը Եվրոպական բժշկական գործակալության ու Եվրոպական բանկային վարչության մասին է։ Վճռորոշ քվեարկությունը պետք է նոյեմբերին կայանա։ ԵՄ-ում համարում են, որ տեղափոխության ծախսերը պետք է ստանձնի Բրիտանիան, քանի որ հենց նա է որոշել հեռանալ ԵՄ-ից։