ԱՄՆ նախագահ Դոնալդ Թրամփը Ռամադանի ավարտի կապակցությամբ ավանդական ընթրիքը չի հյուրասիրել։ Այս մասին հաղորդում է Hill-ը՝ վկայակոչելով Սպիտակ տան օրակարգը։

Ռամադանի ավարտի կապակցությամբ ընթրիք կազմակերպելու ավանդույթը սահմանել է Բիլլ Քլինթոնը, հետո այն շարունակել են Ջորջ Բուշ-կրտսերն ու Բարաք Օբաման։ Սպիտակ տունը չի հստակեցրել՝ ինչու այս տարի այդ կապակցությամբ ընթրիք չի լինի։

Սակայն Թրամփը շնորհավորել է մահմեդականներին։ Համապատասխան հայտարարությունը շաբաթ հրապարակել է Սպիտակ տունը։