Բրազիլիայի նախագահի նստավայրի դարպասներին ավտոմեքենա է բախվել։ BBC-ն, վկայակոչելով տեղի լրատվամիջոցները, հաղորդում է, որ Ալվորադա պալատի հսկիչները կրակ են բացել ավտոմեքենայի ուղղությամբ։ Որոշ տվյալներով՝ ավտոմեքենայի անչափահաս վարորդը ձերբակալվել է։
Հարձակման ժամանակ նախագահ Միշել Թեմերը նստավայրում չի եղել։ Միջադեպը տեղի է ունեցել երկրում հասունացած կոռուպցիոն սկանդալի ֆոնին։
Բրազիլիայի գլխավոր դատախազ Ռոդրիգու Ժանոն Գերագույն դատարանին խնդրել է կաշառք վերցնելու համար մեղադրանք առաջադրել երկրի գործող նախագահին։