ԱՄՆ-ում 19-ամյա աղջիկը գնդակահարել է սիրեցյալին՝ հանուն Youtube-ում հետեւորդների թվի ավելացման։ Միջադեպը տեղի է ունեցել Մինեսոտայում։ Մոնալիզ Պերեզը կրակել է իր զուգընկերոջը՝ Պեդրո Ռուիզին, որը գիրքը պահել էր կրծքի շրջանում։ Վերջինը կարծում էր, թե գիրքը թույլ չի տա, որ փամփուշտն իրեն դիպչի։

Սակայն փորձարկումը ձախողվեց. Պեդրոն զոհվեց։ Մոնալիզը ձերբակալվել է եւ մեղադրվում է չկանխամտածված սպանության մեջ, փոխանցում է BBC-ն։

Աղջիկն այդ մասին սոցկայքում հայտարարել էր ողբերգությունից մեկ օր առաջ՝ պնդելով, որ դա Պեդրոյի գաղափարն է։ Հետեւորդների թիվն ավելացնելու եւ հայտնի դառնալու զույգի ցանկությունն այնքան մեծ էր, որ բթացրել էր առողջ մտածելու ունակությունը։ Գնդակահարությանը վկա են դարձել զույգի 3-ամյա որդին եւ 30 մարդ, որոնք դրան հետեւում էին օնլայն ռեժիմում։

Նշվում է նաեւ, որ Մոնալիզը հղի է։