Եգիպտոսը չեղարկում է անվիզա ռեժիմը Կատարի քաղաքացիների համար, որոշ բացառություններով։ Այս մասին հայտնում է Reuters-ը՝ վկայակոչելով Եգիպտոսի ԱԳՆ-ն։
«Կատարի համար բացառությունները շարունակելը ու նրան արտոնություններ տրամադրելը ներկա պայմաններում իմաստ չունի»,- ասել է ԱԳՆ ներկայացուցիչ Ահմեդ Աբու Զեյդը։ Կատարի քաղաքացիները հիմա ստիպված են լինելու դիմել Եգիպտոս մուտքի վիզա ստանալու համար։
Սաուդյան Արաբիան, ԱՄԷ-ն, Բահրեյնը ու Եգիպտոսը խզել են Կատարի հետ դիվանագիտական հարաբերությունները՝ մեղադրելով նրան ահաբեկչությանն աջակցելու մեջ։ Դոհան հերքում է այդ մեղադրանքները։