Իրանի խորհրդարանը ձայների մեծամասնությամբ ընդունել է Մերձավոր Արեւելքում «ամերիկյան ահաբեկչությանը» հակազդելու օրինագիծը։ Այս մասին հաղորդում է «ՌԻԱ Նովոստի»-ն՝ վկայակոչելով երկրի պետական հեռուստաալիքը։
Փաստաթղթին կողմ են քվեարկել խորհրդարանի 212 անդամներ։
«Այդ քվաերկությունն ապացուցում է ամերիկյան գործողությունների դեմ պայքարելու իրանցի ժողովրդի վճռականությունը։ Ամերիկյան վարչակազմն ավելի հաճախ պետք է գիտակցի մեր ուղերձը, որ Իսլամական Հանրապետության դեմ ցանկացած գործողություն հետ կմղվի ժողովրդի եւ խորհրդարանի կողմից»,-քվեարկությունից հետո հայտարարել է խորհրդարանի խոսնակ Ալի Լարիջանին։
Այս քայլը պատասխանն է հունիսի 15-ին ԱՄՆ կոնգրեսի որոշմանը, երբ կոնգրեսականները ձայների բացարձակ մեծամասնությամբ ընդունեցին Ռուսաստանի եւ Իրանի դեմ նոր պատժամիջոցներ սահմանելու օրինագիծը։
