Թուրքիայում կալանավորվել է անցած տարվա հուլիսին տեղի ունեցած հեղաշրջման փորձի մասին ֆիլմի պրոդյուսերը։ Hurriyet-ի փոխանցմամբ, պրոդյուսեր Ալիվ Ավչիին մեղադրել են ահաբեկչական խումբ ստեղծելու ու ղեկավարելու մեջ։
Ավչին ձերբակալվել է անցած շաբաթ, այն բանից հետո, երբ սոցցանցերում հայտնվել է նրա նոր՝ «Զարթոնք» ֆիլմի թրեյլերը, որը ձախողված ապստամբության մասին է։ Թուրքական լրատվամիջոցները հայտնել են, որ թրեյլերը հասարակական արձագանք է առաջացրել, քանի որ առաջին կադրերում նախագահ Ռեջեփ Էրդողանն է ու նրա ընտանիքի անդամները։ Այդ թվում նրա փեսան՝ էներգետիկայի նախարար Բերատ Ալբայրակը, որի վրա կրակում են, ու զինվորը, որը զենքը Էրդողանի ծոծրակին է ուղղում աղոթքի ժամանակ։
Ավչիին ձերբակալել են նրա տանը՝ եւս մեկ մարդու հետ միասին, որին բնականաբար մեղադրել են Ֆեթուլահ Գյուլենի հետ կապերի մեջ։
