Եվրահանձնաժողովը հայտարարել է Հունաստանին անհապաղ օգնության երկրորդ փաթեթը հատկացնելու մասին՝ փախստականների ճգնաժամը հաղթահարելու համար. երկրում տասնյակ հազարավոր միգրանտներ ու փախստականներ կան:
Ըստ AP-ի՝ 209 մլն եվրոյի չափով օգնության փաթեթը ներառում է 151 մլն եվրոյի ծրագիր, որը փախստականների ընտանիքներին թույլ կտա հեռանալ ճամբարներից եւ հունական քաղաքներում տուն վարձել ու ապրուստի միջոց ունենալ:
ԵՀ-ում հայտարարել են, որ նոր ֆինանսավորումը կրկնապատկում է արտակարգ օգնությունը, որը Հունաստանին տրամադրվել է փախստականների ճգնաժամը հաղթահարելու համար: Արդյունքում երկրին տրվող օգնության չափը կհասնի 401 մլն եվրոյի:
