Ինդոնեզիայի Սումատրա կղզում ժայթքել է Սինաբունգ հրաբուխը, հայտնում է «Սինհուա» գործակալությունը՝ վկայակոչելով Ինդոնեզիայի տարերային աղետների հետեւանքների վերացման ազգային վարչությանը։
Վարչության ներկայացուցչի խոսքով՝ հինգշաբթի առավոտյան հրաբուխը 2 կմ բարձրությամբ մոխրի սյուն էր ժայթքել։
«Հրաբխի ժայթքումից զոհեր չկան։ Մարդկանց տարհանել են»,– ասված է հայտարարության մեջ։ Նախօրեին հրաբուխը նույնպես ժայթքել էր՝ դուրս նետելով 1.5 կմ բարձրությամբ մոխրի սյուն։
Սինաբունգ հրաբուխը ծովի մակարդակից 2 460 մ բարձրության վրա է։