News
Լրահոս
News
Չորեքշաբթի
Օգոստոս 15
Տեսնել լրահոսը

Բոննում, նոյեմբերի 6-17-ին տեղի ունեցած ՄԱԿ-ի կլիմայի փոփոխության շրջանակային կոնվենցիայի (ԿՓՇԿ) 23-րդ համաժողովի ժամանակ, կրկին Ադրբեջանի ներկայացուցիչները «հիշել են» իրենց տարածքային ամբողջականության եւ իրենց երկրի 20 տոկոսի կորստի մասին:

ՀՀ բնապահպանության նախարարի առաջին տեղակալ Էրիկ Գրիգորյանը համաժողովի՝ բարձրաստիճան պաշտոնյաների համար նախատեսված հատվածում իր ելույթում հակադարձել է Ադրբեջանի պատվիրակին, նշելով. «Արցախի Հանրապությունը իր անկախությունը ստացել է այն նույն իրավական հիմքերով, ինչ Ադրբեջանը եւ եթե Ադրբեջանը իրապես ցանկանում է լուծել կլիմակայական եւ բնապահպանական խնդիրները, ապա բոլոր հնարավոր հանդիպումները չարաշահելու, սուտ եւ պատմությունը խեղաթյուրող հակահայկական քարոզչության իրականացնելու փոխարեն պետք է փորձի համագործակցել Արցախի Հանրապետություն կառավարության հետ»։

Այսօր՝ նոյեմբերի 25-ին, լրագրողների հետ հանդիպման ժամանակ Էրիկ Գիրգորյանը շեշտեց, որ Հայաստանը Կոնվենցիայի ներքո ձեւավորված ֆինանսական մեխանիզմներից վերջին 2016-2017թթ. արդեն ստացել է դրամաշնորհային միջոցներ` ավելի քան 21 միլիոն դոլարի չափով:

Իր հերթին, ՄԱԿ-ի զարգացման ծրագրի կլիմայի փոփոխության ծրագրերի համակարգող Դիանա Հարությունյանը տեղեկացրել է, որ Կոնվենցիայի իրականացման օժանդակ մարմնի օրակարգի համաձայն, Հայաստանը 4 այլ երկրների հետ մասնակցել է Միջազգային  խորհրդատվության եւ վերլուծության ու կարծիքների փոխանակման աշխատաժողովին։

ՄԱԶԾ կլիմայի փոփոխության ծրագրերի համակարգող Դիանա Հարությունյանը աշխատաժողովում ներկայացրել է Հայաստանի երկամյա առաջընթացի առաջին զեկույցը, որին հաջորդել է մոտ 21 հարցադրումներ տարբեր  երկրների պատվիրակների կողմից։ Տիկին Հարությունյանը սպառիչ պատասխանել է բարձրացված բոլոր հարցերին։

Նշենք, որ 23-րդ Կողմերի կոնֆերանսին, որը նախագահում էր Ֆիջիի կառավարությունը՝ սերտորեն համագործակցելով Գերմանիայի կառավարության հետ, ներկա են գտնվել ավելի քան 16.000 մասնակիցներ, այդ թվում` 9.200 պետական պաշտոնյաներ, 5.500 ներկայացուցիչներ ՄԱԿ-ի մարմիններից, գործակալություններից եւ միջկառավարական ու քաղաքացիական հասարակության կազմակերպություններից, ինչպես նաեւ 1200 ներկայացուցիչներ միջազգային առաջատար լրատվամիջոցներից: Կոնֆերանսին հիմնականում քննարկվել է Փարիզի համաձայնագրի դրույթների կատարման առաջընթացը եւ ընդունվել են որոշումներ համաձայնագրի ներքո սահմանված մինչեւ 2°C գլոբալ ջերմաստիճանի բարձրացման պահպանման նպատակի իրականացման համար:

!
Այս նյութը հասանելի է նաև   Русский and Türkçe
Տպել
Կարդացեք նաև
Ամբողջը
Հայկական կողմը որպես հաղթող կարող է իր պահանջներն առաջադրել ղարաբաղյան կարգավորման հարցում. իրավապաշտպան
«Անհրաժեշտ է աշխատել այն շրջանակներում եւ այն հարթակներում, որոնք արդեն իսկ առկա են...
Ադրբեջանի կողմից գերեվարված Կարեն Ղազարյանի վերադարձի հարցը գտնվում է ուշադրության կենտրոնում. ԱԳՆ
Կիրառվում են բոլոր հնարավոր միջոցները Կարեն Ղազարյանի շուտափույթ վերադարձի համար…
ՀՀ-ն կկանխի Ադրբեջանի՝ Նախիջեւանի ուղղությամբ ուժերի վերատեղաբաշխման բոլոր փորձերը
«Մենք ադրբեջանական կողմին տարբեր ուղիներով փոխանցեցինք, որ այդ փորձերն անընդունելի են...
Նախիջեւանյան ուղղությամբ ադրբեջանական սադրանքներին հայկական կողմը երեկ պատասխանել է կրակով. ՊՆ խոսնակ
Արդյունքում չենք բացառում ադրբեջանական զինուժի որեւէ կորուստ...
Դավիթ Տոնոյանը Սերգեյ Շոյգուին է ներկայացրել Նախիջեւանյան ուղղությամբ տիրող իրավիճակը
Պարոն Դավիթ Տոնոյանն իր գործընկերոջն է ներկայացրել արցախա- ադրբեջանական ուժերի…
Քաղաքական պատրաստակամություն ենք հայտնել բանակցային գործընթացը կառուցողական հունով շարունակելու հարցում. Փաշինյան
Ես ասել եմ, որ մենք պատրաստ ենք իրադարձությունների զարգացման որևէ սցենարի…
Partner news