Քննչական կոմիտեն Նոր Մոսկվայի Մանկապարտեզներից մեկում երեք տարեկան աղջկա մահվան փաստով անզգուշությամբ մահվան հանգեցնելու մասին քրեական գործ է հարուցել, հաղորդում է «Մեդուզան»:
Քննության նախնական տվյալներով՝ փետրվարի 16-ի առավոտյան, դաստիարակները կրտսեր երեխաների խմբի հետ զբոսանքից վերադառնալով, նկատել են երեխաներից մեկի բացակայությունը: Փողոց դուրս գալով՝ նրանք գտել են 2014 թվականին ծնված աղջկա՝անգիտակից վիճակում ձյան մեջ պառկած: Մանկապարտեզի աշխատակիցներն անմիջապես «շտապօգնություն» են կանչել, որը արձանագրել է երեխայի մահը:
«Տելեգրամի» Mash ալիքը հաղորդել է, որ աղջիկը իրեն վատ է զգացել զբոսանքի ժամանակ եւ մոտ 2 ժամ ձյան մեջ պառկած է եղել, մինչեւ նրան հայտաբերել են:
«Մոսկովսկի կոմսոմոլեցը» պարզել է, որ երեխայի մարմնի վրա բռնի մահվան հետքեր չկան: Երեխայի հայրը պատմել է, որ աղջիկը առողջության հետ խնդիրներ չի ունեցել: Բացի այդ նա պատմել է, որ երեխան վերջին շրջանում պահանջել է, որ իրեն մանկապարտեզից շուտ տանեն տուն, իսկ մի քանի օր առաջ ծնողները նրա մարմնի վրա կապտուկներ են տեսել: