Բրիտանիայում KFC արագ սննդի ցանցը հավի միսի պակասի պատճառով հայտարարել է հարյուրավոր ռեստորանների փակման մասին, հաղորդում է Reuters-ը:

Խնդիրը ծագել է հանգստյան օրերին, երբ ցանցը DHL-ի հետ մատակարարման պայմանագիր է կնքել: Արդյունքում Մեծ Բրիտանիայում  KFC-ի 900 առեւտրի կետերի մեծ մասը փակվել են: Ըստ KFC-ի՝ մատակարարի մոտ 900 ռեստորաններում խնդիրներ են ծագել թարմ հավի մսի մատակարարման հետ, եւ այդ կապակցությամբ որոշել են փակել դրանք, ցանցի մյուս ռեստորանները սահմանափակ մենյուով կամ կրճատված ժամերով են աշխատում: