Հայաստանի 14 համայնքում նախօրեին տեղի ունեցած ՏԻՄ ընտրությունների արդյունքները հայտնի են:
Ըստ ԿԸՀ-ի հրապարակած տվյալների՝ Կոտայքի մարզի Հացավան համայնքում առաջադրված միակ թեկնածուն՝ ԲՀԿ-ական Շավարշ Սարգսյանը, ստացել է 169 ձայն: Արագածոտնի մարզի Դդմասար գյուղում հաղթել է գործող գյուղապետ ՀՀԿ անդամ Ռաշիդ Օսեյանը, որը միակ թեկնածուն էր: Արարատի մարզի 7 համայնքում՝ Դարբնիկում, Եղեգնավանում, Զորակում, Խաչփառում, Հայանիստում, Նիզամիում եւ Սիսում առաջադրված գործող գյուղապետերը նույնպես հաղթել են: Նրանք բոլորն են Հանրապետական կուսակցության անդամներ են:
Այս նույն մարզի Սայաթ Նովա համայնքում էլ առաջադրված համայնքապետ Ռազմիկ Ալավերդյանը, որը «Բարգաված Հայաստան» կուսակցության անդամ է, նույնպես հաղթել է՝ ստանալով 543 ձայն: Ի դեպ, նրան դեմ է քվեարկել 200 քաղաքացի: Արմավիրի մարզում Մեծամոր համայնքում նույնպես մրցակցություն չի եղել. Առաջադրված գործող ՀՀԿ–ական համայնքապետ Էդվարդ Միրզոյանը ստացել է 315 կողմ ձայն:
Արարատի մարզի Նորամարգում հաղթել է ՀՀԿ-ական Արման Թադեւոսյանը՝ ստանալով 391 կողմ: Նրա մրցակիցներից ՀՀԿ-ական Արմեն Գեւորգյանը ստացել է 382 ձայն, իսկ անկուսակցական Արմեն Ղահրամանյանը՝ 182: Նշենք, որ գործող գյուղապետը չէր առաջադրվել:
Լոռու մարզի Դեբետ համայնքում հաղթել է Աշոտ Ղազարյանը՝ ստանալով 153 ձայն: Նշենք, որ այստեղ 4 թեկնածու կար: