19-ամյա Հարի Հարդվիքը սիրահարվել եւ ամուսնացել է իրենից 53 տարով մեծ կնոջ հետ: Mirror-ի հաղորդմամբ՝ չնայած տարիքային տարբերությանը Հարին պնդում է, որ 72-ամյա Ալմեդայի մեջ հարազատ հոգի է գտել:

Նրանք ծանոթացել են տխուր հանգամանքներում՝ Ալմեդայի որդու թաղմանը, որը 45 տարեկանում էր մահացել: Մի քանի ամիս անց նրանք նորից են հանդիպել: Այդ ժամանակ Հարին արդեն բաժանվել էր իր նախորդ սիրեցյալից, որը 77 տարեկան էր: Այժմ զույգն ապրում է Մերիվելում եւ վստահեցնում, որ երջանիկ է, ինչպես երբեք: Ալմեդայի խոսքով՝ «տարիքը խոչընդոտ չէ, դա ընդամենը թիվ է»:

Տարիքային տարբերության պատճառով՝ շատերը քննադատում են նրանց: Ալմեդայի որդին ամուսնությունից հետո չի շփվում մոր հետ: Հարիի ընտանիքը եւս զգուշավորությամբ է վերաբերվում նրանց հարաբերություններին: