Թուրքիայի խորհրդարանի նախագահի ստորագրությամբ նամակ է ուղարկվել հայ պատգամավոր Կարո Փայլանին Հայոց ցեղասպանության ճանաչման մասին օրինագծի հետ կապված։
Ինչպես տեղեկացնում է Ստամբուլի հայկական «Ակոս»-ը, Թուրքիայի խորհրդարանի նախագահ Իսմաիլ Քահրամանի նամակի մեջ նշվել է, որ Կարո Փայլանի օրինագիծը հետ է ուղարկվում շտկումների ու կարգավորումների համար, քանի որ այն հակասում է 67-րդ կետին, ըստ որի այն հակասում է թուրք ժողովրդի պատմությանն ու ազգային գիտակցությանը։
Նշենք, որ Կարո Փայլանը այս տարվա ապրիլի 20-ին Թուրքիայի խորհրդարան օրինագիծր էր ներկայացրել, որով առաջարկում էր ճանաչել Հայոց ցեղասպանությունը, քաղաքացիություն տալ զոհերի ժառանգներին ու ցեղասպանության կազմակերպման մեջ մեղադրվող անձանց անուններով փողոցները վերանվանել այլ անուններով։