ԱՄՆ Պետդեպարտամենտը կրկին մտահոգություն է հայտնել Թուրքիայի կողմից ռուսական C-400 զենիթահրթիռային համակարգերի ձեռքբերման կապակցությամբ:
Պետքարտուղարության խոսնակ Հիզեր Նաուերթը մեկնաբանելով տեղեկությունը, թե 2019-ին С-400-ը կմատակարարվի Թուրքիա, հայտարարել է, որ ԱՄՆ-ն բազմիցս ասել է, որ դեմ է, որ ՆԱՏՕ-ի իրենց դաշնակիցը, հատկապես Թուրքիան, ձեռք բերի այդ համակարգերը . «Դա հակասում է մեր քաղաքականությանը: Բացի այդ, C-400 համակարգերը չեն ինտեգրվում ՆԱՏՕ-ի պաշտպանական համակարգի հետ: Հետեւաբար, մենք ասել ենք, որ դեմ ենք, որ ամբողջ աշխարհում մեր դաշնակիցներն ու գործընկերները ձեռք բերեն C-400», - ասել է նա:
Պատասխանելով հարցին, թե արդյոք հնարավոր է պատժամիջոցներ կիրառել Թուրքիայի նկատմամբ C-400-ի ձեռքբերման կապակցությամբ, Նաուերթը նշել է. «Մենք արդեն ասել ենք, թե ինչը կարող է պատժամիջոցների կիրառմանը հանգեցնել աշխարհի երկրների եւ հաստատությունների նկատմամբ»:
