News
Լրահոս
News
Չորեքշաբթի
Դեկտեմբեր 19
Տեսնել լրահոսը

ՀՀ պետական եկամուտների կոմիտեի կողմից չարաշահումների եւ ստվերային շրջանառության բացահայտմանն ուղղված շարունակական գործընթացների շրջանակում ստուգողական միջոցառումներ են իրականացվել «Գազպրոմ Արմենիա» ՓԲԸ-ում:

ՊԵԿ-ից NEWS.am-ում հայտնել են, որ բացահայտվել են մի շարք խախտումներ եւ առանձնապես խոշոր չափերով հարկային պարտավորություններ չվճարելու դեպքեր: Մասնավորապես՝ ՊԵԿ խոշոր ու միջին հարկ վճարողների հարկային տեսչություն-վարչության աշխատակիցների կողմից ընկերությունում իրականացված հարկային համալիր ստուգման ընթացքում պարզվել է, որ «Գազպրոմ Արմենիա» ՓԲԸ-ն 2016 եւ 2017 թվականների ընթացքում հարկային մարմին ներկայացված ԱԱՀ-ի եւ շահութահարկի հաշվարկներում ներառել է ակնհայտ կեղծ տվյալներ, ինչի արդյունքում մի քանի միլիարդ դրամի չափով պակաս է հաշվարկել հարկային պարտավորությունները: Ընկերության թույլ տված չարաշահումների մասին են վկայում նաեւ գազի կորուստների, ինչպես նաեւ ավտոգազալցավորման ճնշակայաններին (ԱԳԼՃԿ-ներին) մատակարարված բնական գազի ծավալների մասով կատարված համեմատական հետազոտությունների վերաբերյալ տվյալները: Պարզվել է, որ բաշխման համակարգում կորուստների մեծությունը 2018 թվականի հունիս-հուլիս ամիսներին 2018 թվականի հունվար-մայիսի համեմատությամբ նվազել է միջին հաշվով 3 անգամից ավելի: Միաժամանակ, կատարված համեմատական հետազոտությունների արդյունքում պարզվել է, որ «Գազպրոմ Արմենիա» ՓԲԸ-ի կողմից ավտոգազալցավորման ճնշակայաններին (ԱԳԼՃԿ-ներին) մատակարարված բնական գազի ծավալները հունիս-սեպտեմբեր ամիսներին 2018 թվականի առաջին հինգ ամիսների համեմատությամբ ավելացել են շեշտակի՝ մոտ 37 տոկոսով, որի դրսեւորումները նույնպիսի համամասնությամբ միաժամանակ արձանագրվել են նաեւ ավտոգազալցավորման գործունեությամբ զբաղվող մի շարք ընկերությունների կողմից սպառվող բնական գազի սպառման ծավալներում:

Վերոգրյալի հիման վրա ՊԵԿ քննչական վարչությունում նախապատրաստված նյութերով ՀՀ քրեական օրենսգրքի 205-րդ հոդվածի 2-րդ մասի հատկանիշներով հարուցվել է քրեական գործ: Կատարվում են անհրաժեշտ քննչական եւ դատավարական գործողություններ «Գազպրոմ Արմենիա» ՓԲԸ-ի թույլ տված չարաշահումների հետեւանքով պետությանը պատճառված վնասի չափը հստակեցնելու, ինչպես նաեւ բնական գազի սպառման ոլորտում կոռուպցիոն դրսեւորումները բացահայտելու ուղղությամբ:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Իշխանությունները խոստացել էին իջեցնել գազի գինը, բայց հիմա խոսվում է գնի պահպանման մասին. Սուրեն Պարսյան
Այս տարվա դեկտեմբերի 31-ին ավարտվելու է Հայաստան– Ռուսաստան գազի համաձայնագրի գործող այն դրույթը...
Քաղաքագետ․ Ատոմակայանի կառուցումը Ադրբեջանի համար նշանակում է ՌԴ-ից լուրջ կախվածություն
Ռուսաստանի դեպքում ակնհայտ է Ադրբեջանին ՀԱՊԿ-ի եւ ԵՏՄ-ի ուղեծիր գրավելու ձգտումը․․․
ՀԷՑ-ը էներգետիկ ոլորտում ռազմավարական դեր ունի. ԱԶԲ ներդրումային ծրագրերի ղեկավար
ՀԷՑ ընկերության գլխավոր տնօրեն Կարեն Հարությունյանը ներկայացրեց ընկերության 10-ամյա ներդրումային ծրագրի ընթացքը…
Մենք գազի ցածր գին չենք պահանջում, տվեք մեզ 70 դոլարով. Լուկաշենկո
Սակայն մենք պայամանավորվել ենք, որ այս տարվա կեսերին կորոշենք գինը մինչեւ 2025 թվականի համա8...
ԿԾԿՀ-ն համաձայնություն է տվել «Գազպրոմ Արմենիա»-ի 2019-2021 թթ ներդրումային ծրագիրը
Որոշումներն ուժի մեջ են մտնում «Գազպրոմ Արմենիա» փակ բաժնետիրական ընկերությանն օրենքով սահմանված կարգով իրազեկելուն օրվան հաջորդող օրվանից…
Նավթի համաշխարհային շուկայում առաջարկի դեֆիցիտը կարող է ավելի շուտ տեղի ունենալ, քան սպասվում էր
«2019 թ. նավթի պահանջարկի աճի կանխատեսումը օրական մնում է 1,4 մլն բարելի մակարդակում, չնայած այն հանգամանքին, որ նավթի գները զգալիորեն...