Չինաստանում կինը գրեթե ուշագնաց է եղել իր վրա հարձակված տղամարդուց բուրող գարշահոտությունից: Global News-ը հայտնում է, որ միջադեպը տեղի է ունեցել Ցզյանսու նահանգում:

Կնոջ տուն է ներխուժել մի տղամարդ եւ հարձակվել նրա վրա: Հարձակման ժամանակ նա գրեթե ուշագնաց է եղել գարշելի հոտից, որը գալիս էր չարագործից: Հարձակվողը նրան նախկինում սիրահետողն էր, որը հաջորդ օրը կամավոր հանձնվել է ոստիկանությանը: Պարզվում է՝ նա մի ամբողջ ամիս չէր լողացել, քանի որ հետեւում էր նախկին սիրեցյալին, որը նրան մերժել էր, երբ իմացել էր, որ ամուսնացած է: