«Ադեկվադ» միաբանության անդամ Արթուր Դանիելյանը ԱԺ փոխնախագահ Ալեն Սիմոնյանի հետ ունեցած միջադեպից հետո տեղափոխվել է «Էրեբունի» բկ։ Այս մասին NEWS.am-ին հայտնեց իրավապաշտպան Ռուբեն Մելիքյանը։

«Արթուր Դանիելյանի հետ եղած 2 անձինք բերման են ենթարկվել Ոստիկանության կենտրոնական բաժին»,- ասաց Ռուբեն Մելիքյանը։ Նրա խոսքով՝ Արթուր Դանիելյանին հիվանդանոց գնալու ճանապարհին ոստիկանները բերման են ենթարկել, ավելի ուշ իրենց նախաձեռնությամբ տեղափոխել հիվանդանոց։ Իրավապաշտպանի խոսքով՝ Դանիելյանն ունի բժշկական միջամտության կարիք։

Նշենք, որ ավելի վաղ «Ադեկվադ» միաբանության անդամներից Կոնստանտին Տեր-Նակալյանը Facebook-իր իր էջում հրապարակել է իրենց միաբանությունից Արթուր Դանիելյանի լուսանկարը եւ գրառում արել:

«Ալեն Սիմոնյանը հարձակվել է փողոցում զբոսնող Արթուր Դանիելյանի վրա»,-նշել է նա:

Իր հերթին ԱԺ անկախ պատգամավոր Արման Բաբաջանյանը Facebook-ի իր էջում գրել է, որ հարձակման է ենթարկվել ԱԺ փոխնախագահ Ալեն Սիմոնյանը։

• Արթուր Դանիելյանը հիվանդանոցում է, ոստիկանությունը խոչընդոտում է մեր մուտքը