Արցախում այսօր՝ հունիսի 3-ին, ճանապարհատրանսպորտային պատահարից մահացած 19-ամյա զինծառայող Սարգիս Ղուլյանը Արմավիրի մարզի Լուսագյուղ համայնքից էր։ Համայնքի ղեկավար Սարիբեկ Կարապետյանը NEWS.am-ի հետ զրույցում նշեց, որ դեպքից իրենց քիչ բան է հայտնի։
«Զանգահարել են, ասել՝ վթար է եղել մեքենայով, ինքը մեքենայի մեջ է եղել»,- ասաց գյուղապետը՝ նշելով, որ զինծառայողը տան կրտսերն էր, մեկ քույր եւ եղբայր ունի։
Ավելի վաղ հայտնել էինք, որ Արցախում ճանապարհատրանսպորտային պատահարի հետևանքով զինծառայող է մահացել։ Դեպքի մանրամասները պարզելու համար կատարվում է քննություն:
