News
Լրահոս
News
Շաբաթ
Դեկտեմբեր 05
USD
511.25
EUR
622.14
RUB
6.88
ME-USD
0.01
Տեսնել լրահոսը

Հրադադարի մասին բանակցությունները դիվանագետի համար մղձավանջ են: Հարձակվող կողմը չի ցանկանում հրաժարվել իր առավելությունից, իսկ պաշտպանվող կողմը չի ցանկանում զենքի սպառնալիքով զիջումների գնալ: Հենց սա է Պետդեպարտամենտի պաշտոնյաների խնդիրը որոնք փորձում են հասնել կայուն հրադադարի Հայաստանի եւ Ադրբեջանի միջեւ սարսափելի պատերազմում, գրում է Դեւվիդ Իգնատիուսը՝ Washington Post-ում:

«Վաշինգտոնի կողմից կիրակի օրը հայտարարված զինադադարը առայժմ հաջողությամբ չի պսակվել, ինչպես եւ այս ամիս ավեղի վաղ կնքված երկու հրադադարները՝ Մոսկվայի եւ Փարիզի միջնորդությամբ: Բայց ԱՄՆ պաշտոնյաները սեղմում են ճիշտ կոճակներ, որոնց նպաստում է (այո, հենց այդպես) նախագահ Թրամփի թվիթը: Նրանք առաջարկում են հոկտեմբերի 29-ին հանդիպում անցկացնել Ժնեւում` իրական հրադադարի միջազգային մոնիտորինգ կազմակերպելու համար (որը ցանկանում է Հայաստանը) եւ բանակցություններ վարել «համապարփակ կարգավորման» (որին ձգտում է Ադրբեջանը) «ժամկետների» վերաբերյալ:

Թրամփի վարչակազմը հասունացող հրդեհի տագնապալի նշանները նկատել էր դեռեւս սեպտեմբերի 25-ին, երբ պետքարտուղարի տեղակալ Սթիվեն Բիգանը նախազգուշացրեց Հայաստանի եւ Ադրբեջանի դեսպաններին ռազմական հզորության աճեցման մասին: Երկուսն էլ երդվեցին, որ չեն պատրաստվում կռվել, բայց 48 ժամ անց Ադրբեջանը սկսեց հարձակումը, իսկ Հայաստանն անմիջապես պատասխանեց:

Ռուսաստանը հոկտեմբերի 10-ին պայմանավորվեց հրադադարի մասին, բայց այն խախտվեց նախքան թանաքը կչորանար. Ֆրանսիան հրադադարը հաստատեց հոկտեմբերի 17-ին, բայց կրկին անարդյունք: Այնուհետեւ միջամտեց պետքարտուղար Մայք Պոմպեոն՝ անցած ուրբաթ երկու երկրների արտգործնախարարներին համատեղ բանակցությունների համար Վաշինգտոն կանչելով: Շաբաթ երեկոյան Բիգանը պայմանավորվեց երկու միջազգային խմբերի վերահսկողության ներքո հրադադարի եւ Ժնեւում այս հինգշաբթի կայուն կարգավորման շուրջ բանակցությունների մասին:

ԱՄՆ-ն նշել է, որ երկու կողմերը պետք է խոստովանեն, որ ստատուս-քվոն փոխվել է: Համոզվելու համար, որ հայերը հասկանում են փոխզիջման անհրաժեշտությունը, հայկական ծագում ունեցող ամերիկացի ներկայացուցչի ուղերձը փոխանցվել է ինչպես առաջատար հանրապետականների, այնպես էլ դեմոկրատների: «Իհարկե, մենք պատրաստ ենք խելամիտ փոխզիջումների»,-ասել է ԱՄՆ-ում ՀՀ դեսպան Վարուժան Ներսիսյանը:

Սակայն ադրբեջանցիները՝ զգալով, որ առավելություններ ունեն, դիմադրում են: Կիրակի օրը գիշերը ժամը 3-ին Պետդեպը հաղորդագրություն է ստացել այն մասին, որ Ադրբեջանի նախագահ Իլհամ Ալիեւը մերժել է գործարքը, քանի որ դրանում նշված չի եղել, որ Հայաստանը պետք է դուրս բերի զորքերը: Նոր ձեւակերպում է եւ մոդայիկ բառեր են ավելացել՝ «համալիր որոշման» համար, որն ուզում է Ալիեւը: Նոր տարբերակը հավանություն է ստացել Բաքվում եւ Երեւանում, ինչպես նաեւ Մոսկվայում եւ Փարիզում: Թրամփը գրառում է կատարել թվիթթերի իր էջում՝ «շնորհավորելով» եւ ասելով, որ «շատ կյանքեր կփրկվեն»:

Սակայն կիրակի հրադադարը չի պահպանվել: Թվում էր, թե Ալիեւը ցանկանում է զգալ մարտի դաշտում Ադրբեջանի հաղթանակը, եւ հայերը վճռական էին՝ խանգարելու Ադրբեջանին գրավել այսպես կոչված «Լաչինի միջանցքը», որը Հայաստանին կապում է Ղարաբաղի հետ:

Զինյալները չեն դադարում կռվել, եթե միայն շարունակելու գինը մեծ չէ: ԱՄՆ-ն պետք է անհապաղ մտածի, թե ինչպես բարձրացնի մարտական գործողությունների գինը. Բաքվին Իսրայելի կողմից զենքի մատակարարումների դադարեցո՞ւմ: Ռուսաստանը մկանախա՞ղ է ցույց տալիս, որպեսզի աջակցի Հայաստանին: ԱՄՆ-ի կողմից հայտարարությո՞ւն, որը դատապարտում է Ադրբեջանին եւ նրա դաշնակից Թուրքիային խաղաղ համաձայնությունն անտեսելու համար:

Realpolitik-ի տարբերակը Ղարաբաղի համար. հրադադարի ռեժիմը չի գործի, եթե այլընտրանք ավելի ցավոտ չլինի: Խաղաղության հասնելու դիվանագետները պետք է ձգեն սանձերը»:   

!
Այս նյութը հասանելի է նաև   Русский
Տպել
Կարդացեք նաև
Ամբողջը
Պատերազմը պարտվեցինք անպատրաստության եւ անկազմակերպվածության պատճառով. Ռազմարդյունաբերության կոմիտեի նախկին նախագահ
Մենք պատերազմը հաղթելու հնարավորություն չունեինք. մենք բավարար համալրված չենք եղել 2020 թվականի պատերազմի համար, բավարար…
Գերմանիայում կոչ են արել Մինսկի խմբին ներգրավել ղարաբաղյան հակամարտության կարգավորման գործընթացին
Համոզված ենք, եւ այդ մասին հստակ հասկացրել ենք Մոսկվային, որ Մինսկի խումբը պետք է ներգրավվի այս հակամարտության քաղաքական կարգավորմանը...
Հայկական եւ ադրբեջանական կողմերը գերիների ցուցակները փոխանցել են «Կարմիր խաչ»-ին
Այժմ ընթանում է ցուցակների ճշտման գործընթացը…
Թուրքական հետախուզությունը հրամայել է ահաբեկիչներին շարժվել դեպի Ադրբեջանին միացված Ղարաբաղի տարածքի խորքը
Տարածաշրջանում նոր բախումների դեպքում սեփական մարդկանց ունենալու ցանկության հետ միասին թուրքական հետախուզությունը նախատեսում է նաեւ բնակեցնել նոյեմբերի 10-ի պայմանագրով հայ բնակչության կողմից լքված տարածքները...
Խաղաղ համակեցության շանս չունենք. մարզվեք, կրթվեք, շատ երեխա ունեցեք ու պատրաստվեք հաջորդ փուլին. Էլիբեգովա
Կափարիչը թռել ա, պանդորայի արկղը բացվել ա եւ այդ հայատյացությունը այսուհետ ստացել ա լեգիտիմ իրավունք արտահայտվելու…
«Դիվանագիտությունը սիրում է լռություն». ԱԳ նախարարը ընթերցեց իր հայտարարության տեքստը, իսկ հարցերին չպատասխանեց
Ինչպես եւ մեր զինվորները, քույրերն ու եղբայրները Արցախում, հայ դիվանագիտությունը եղել եւ շարունակում է մնալ հայրենիքի պաշտպանության առաջատար դիրքերում...
Ամենաշատ