News
Լրահոս
News
Չորեքշաբթի
Հունվար 20
USD
519.31
EUR
629.4
RUB
7.04
ME-USD
0.01
Տեսնել լրահոսը

Ռուսաստանի կողմից Իրանի եւ Թուրքիայի հետ համատեղ Սիրիայում կարգավորման ուղղությամբ տարվող աշխատանքները ցույց են տալիս իրենց արդյունավետությունը. միջազգային ահաբեկչության օջախն այնտեղ փաստացի չեզոքացվել է: Այս մասին երկուշաբթի հայտարարել է ՌԴ նախագահ Վլադիմիր Պուտինը Սիրիայի նախագահ Բաշար ալ-Ասադի հետ հանդիպմանը, որը տեղի է ունեցել տեսակոնֆերանսի ռեժիմով, փոխանցում է ՏԱՍՍ-ը:

Պուտինը շեշտել է, որ Ռուսաստանը շարունակում է բուռն ջանքեր գործադրել «Սիրիայի Հանրապետությունում երկարաժամկետ կարգավորմանը նպաստելու, դրա ինքնիշխանությունը, անկախությունը, միասնությունն ու տարածքային ամբողջականությունը վերականգնելու համար»:

«Այս կապակցությամբ չի կարելի չնշել Իրանից եւ Թուրքիայից մեր գործընկերների մասնակցությամբ իրականացված արդյունավետ աշխատանքը Աստանայի ձեւաչափի շրջանակներում,- նշել է Ռուսաստանի ղեկավարը:- Համատեղ ջանքերով մենք կարողացանք շատ բանի հասնել. Սիրիայում միջազգային ահաբեկչության օջախը փաստացիորեն վերացվել է»:

Բացի այդ, ըստ Պուտինի, Սիրիայում «բռնության մակարդակը նկատելիորեն իջեցվել է, խաղաղ կյանք է հաստատվում, եւ ներառական քաղաքական գործընթաց է ընթանում ՄԱԿ-ի հովանու ներքո»:

Փախստականների վերադարձը Սիրիա

Խաղաղության հաստատումը Սիրիայի մեծ մասում պայմաններ է ստեղծում փախստականների զանգվածային վերադարձի համար, ասել է Պուտինը:
«Հիմա, երբ Սիրիայի մեծ մասում խաղաղություն եւ հանգստություն է տիրում, լավ հնարավորություն կա փախստականների զանգվածային վերադարձը տուն ապահովելու համար»,- ասել է ՌԴ ղեկավարը:

Պուտինը շեշտել է այս գործընթացի` «բնականոն հունով, առանց պարտադրանքի» ընթանալու կարեւորությունը: «Յուրաքանչյուր սիրիացի պետք է ինքնուրույն որոշում կայացնի` հավաստի տեղեկատվություն ստանալով իր հայրենիքում տիրող իրավիճակի մասին, այդ թվում` Սիրիայի ղեկավարության` Ձեր, պարոն նախագահ, կողմից խաղաղ կյանքի հաստատման ուղղությամբ ձեռնարկված քայլերի վերաբերյալ»,- ամփոփել է Ռուսաստանի առաջնորդը` դիմելով Բաշար Ասադին:

Պուտինը նշել է, որ ավելի քան 6.5 միլիոն փախստական է մնում Սիրիայի սահմաններից դուրս, նրանց մեծ մասը կարող էր մասնակցել երկրի վերակառուցման աշխատանքներին:

Ռուսաստանի առաջնորդի խոսքով` «այս փուլում հիմնարար նշանակություն ունի Սիրիայի հետկոնֆլիկտային վերակառուցման խնդիրը եւ առաջին հերթին` սիրիացի փախստականների եւ ներքին տեղահանվածների հայրենիք վերադարձը»:

«Այսօր, ցավոք, ավելի քան վեց ու կես միլիոն փախստական կա Սիրիայից դուրս,- ասել է Պուտինը:- Նրանց ճնշող մեծամասնությունը աշխատունակ քաղաքացիներ է, ովքեր կարող էին եւ պետք է մասնակցեն իրենց երկրի վերականգնմանը»:
.

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Գերմանիայի ոստիկանությունը ձերբակալություն է իրականացրել Թուրքիայի միջոցով Սիրիայում ահաբեկչության ֆինանսավորման համար
Ձերբակալությունը տեղի է ունեցել անցյալ շաբաթ գերմանական ոստիկանության գործողությունից հետո, երբ համանման մեղադրանքներով ձերբակալվել էին եւս երեք անձինք․․․
ԱՄՆ-ը ահաբեկչության մեղադրանք է առաջադրել MS-13 միջազգային հանցավոր խմբավորման 14 առաջնորդներին
Նրանց մեղադրում են ահաբեկիչներին աջակցելու, ահաբեկչական գործողություններ կատարելու ու ահաբեկչությունը ֆինանսավորելու դավադրության մեջ․․․
Ինդոնեզիայում վաղաժամկետ ազատ են արձակել Բալիի ահաբեկչության մեջ ներգրավված իսլամիստին
2002թ․ հոկտեմբերի 12-ին Բալի զբոսաշրջային կղզում տեղի ունեցած պայթյունների հետեւանքով 21 երկրներից 202 մարդ էր զոհվել․․․
Լեհաստանի հատուկ ծառայությունները կանխել են իսլամական կրոնական կառույցում ահաբեկչության նախապատրաստումը
Գաղափարն այն էր, որ կանխարգելվի Լեհաստանի «իսլամացումը»...
Եմենում օդանավակայանի հրետակոծության հետեւանքով 10 մարդ է զոհվել
Ավելի քան 20 մարդ վիրավոր է...
NYT. Պոմպեոն կարող է ներառել Կուբան ահաբեկչության հովանավորների ամերիկյան ցանկում
Այս քայլը «Կուբայի իշխանությունների դեմ ԱՄՆ պատժամիջոցների ավտոմատ կիրառման կհանգեցնի» եւ կդժվարացնի հանրապետության հետ հարաբերությունների կարգավորումն ԱՄՆ ընտրված նախագահի Ջոզեֆ Բայդենի համար...
Ամենաշատ
Ֆոտոռեպորտաժներ