Քննիչը պետք է պարզի մեղադրանքն ու վարչապետ պաշտոնակատարի կարգավիճակը: Այս մասին այսօր՝ մայիսի 4-ին, լրագրողների հետ զրույցում ասաց «Երկիր ծիրանի» կուսակցության ղեկավար Զարուհի Փոստանջյանը:
Նա պարզաբանեց, որ եթե մեղադրանք առաջադրվի այն կապակցությամբ, որ նա, իբր, բռնության կոչ է արել, ապա պետք է լինի նաեւ հասցեատեր: «Քննիչն ասում է, որ հասցեատերը մարդ է, ում ես հիշատակեցի իմ խոսքում: Ես հարցրեցի՝ որ խմբին է պատկանում Նիկոլ Փաշինյանը: Նկատի ունի՞ արդյոք «փոքրամասնություն», «օտարերկրացիներ», «այլախոհներ» տերմինները կամ ինչ-որ այլ բան»,-նշեց նա:
«Ես կասկածում եմ, որ Նիկոլ Փաշինյանը պատկանում է օտարերկրացիների, այսինքն՝ մարդկանց, ովքեր երիտթուրքերի գաղափարների կրողներ են: Եթե ինձ ներգրավեն որպես մեղադրյալի, ապա Նիկոլը պետք է տուժողի կարգավիճակ ստանա»,-նշեց նա՝ հավելելով, որ որոշումը բողոքարկվել է դատախազին:
