ԱՄՆ Վիրջինիա նահանգում ավագ դպրոցի ուսուցչուհուն ձերբակալել են աշակերտի նկատմամբ սեռական ոտնձգություններ կատարելու կասկածանքով, հայտնում է WTKR պորտալը։

Ուսումնական հաստատության ներկայացուցիչներին հայտնել են, որ 32-ամյա Քրիստեն Մաքալիսթերը թույլ է տվել անպարկեշտ պահվածք եւ անպատասխանատվությամբ է շփվել երեխայի հետ։ Տեղեկությունն անմիջապես փոխանցվել է ոստիկանությանը։ Իրավապահները ուսուցչի գործողությունները որակել են որպես «անպատշաճ սեռական գործողություններ»։

Ուսումնական հաստատության ներկայացուցիչներն ասել են, որ իրենք լրջորեն են վերաբերվում երեխաների անվտանգությանն ու բարեկեցությանը, ուստի մտադիր են ոստիկանությանը համակողմանի օգնություն ցուցաբերել այս միջադեպի հետաքննության հարցում։

Հետաքննության ընթացքում Մաքալիսթերին արգելել են դպրոց գնալ։ Տեղի ունեցածի մանրամասները պարզվում են։