Բրիտանուհին կարծում էր, որ ողջ-ողջ կայրվի՝ փակված մնալով սոլյարիի սարքում, հաղորդում է NYP-ը։
Նատալի Ռենեն մերկ պառկած է եղել սոլյարիում, երբ հասկացել է, որ չի կարող դուրս գալ։ «Դա կլինի իմ դագաղը։ Լույսը վառվեց, եւ ես մտածեցի, որ ողջ-ողջ այրվելու եմ։ Դա սարսափելի էր։ Ես խուճապի մեջ էի»,-ասել է նա։
Չորս երեխաների մայրն ասել է, որ վերջապես կարողացել է անջատել ուլտրամանուշակագույն լամպը, պայքարում էր կափարիչը բարձրացնելու համար, բայց՝ ապարդյուն:
Նա ասել է, որ այն միտքը, որ փրկարարները կտեսնեն իրեն մերկ, «բոլորովին սարսափելի էր»: Նա ծածկվել է մի կտոր թղթով, երբ հրշեջները վերջապես դուրս են հանել նրան։
