Իրաքը եւ Սաուդյան Արաբիան որոշել են բարձրացնել նավթի գները եվրոպական տարածաշրջանի գնորդների համար, հայտնում է Bloomberg գործակալությունը:

Հրապարակման մեջ նշվում է, որ Basrah Medium նավթի գինը, որը Բաղդադը սահմանել էր հունիսին, վերջին մեկ տարվա ընթացքում ամենաբարձրն է դարձել։ Էր Ռիադը նաեւ որոշում է կայացրել բարձրացնել սեւ ոսկու գինը Եվրոպայի համար: 

Գործակալության տվյալներով՝ Ասիայից գնորդների համար նավթի գինը մնացել է անփոփոխ կամ նույնիսկ փոքր-ինչ նվազել։

Ապրիլի վերջին Bloomberg գործակալությունը՝ վկայակոչելով Kpler ընկերության վերլուծաբանների վիճակագրական տվյալները, հայտնել է, որ 2023 թվականի ապրիլի արդյունքներով Հնդկաստանը կարող է դառնալ եվրոպական երկրներին նավթամթերքի խոշորագույն մատակարարը Ռուսաստանից հումքի ներմուծման ավելացման ֆոնին։ Ընթացիկ ամսվա վերջին ասիական պետությունից Եվրամիություն տվյալ արտադրանքի արտահանման ծավալները կարող են գերազանցել օրական 360 հազար բարելը:

Մինչ այդ փոխվարչապետ Ալեքսանդր Նովակը հայտնել է, որ Ռուսաստանը Ասիա կուղարկի նավթի ու նավթամթերքի ավելի քան 60 տոկոսը, որոնք նախկինում բաժին էին ընկնում Եվրոպային: Մատակարարումների ծավալը կարող է կազմել 140 մլն տոննա։